“Xalq Bank” Bakı Fond Birjasına üzv oldu

Banker.az xəbər verir ki, bu barədə BFB-nin açıqlamasında qeyd edilir.

ASC “Xalq” Bankı ölkənin investisiya xidmətləri həyata keçirilməsinə lisenziya alan ilk bankı oldu. Belə ki, Azərbaycan Respublikasının Mərkəzi Bankının 07 may 2025-ci il tarixli İXB-01 saylı Lisenziyasına əsasən ASC “Xalq” Bankı ölkənin investisiya xidmətlərinin (əməliyyatlarının) həyata keçirilməsinə icazə verilən ilk bankı oldu.

Bu mühüm addım ölkənin bank sektorunda yeni bir mərhələnin başlanğıcını qoyur. Bu lisenziya ASC “Xalq” Bankına geniş spektrli maliyyə xidmətləri təqdim etmək imkanı verəcək. Bununla da, müştərilərinə kapital bazarlarında geniş imkanlar açan Xalq Bank onlara qiymətli kağızlarla əməliyyatların aparılması və digər kapital bazarı xidmətlərini bank vasitəsilə həyata keçirmək imkanı qazandıracaq.

Bakı Fond Birjası şəffaflığı, hesabatlılığı və bazar bütövlüyünü təşviq edərək, dayanıqlı inkişaf və sabitliyi dəstəkləyən əlverişli bir mühit yaratmağı hədəfləyir.

Azərbaycanın sığorta bazarı 13 %-ə yaxın böyüyüb

"Report" Azərbaycan Mərkəzi Bankına istinadən xəbər verir ki, bu, ötən ilin eyni dövrünə nisbətən 12,5 % çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 529,307 milyon manat təşkil edib. Bu isə illik müqayisədə 20,25 % çoxdur.

7 ay ərzində sığorta bazarında toplanmış hər 100 manat sığorta haqqının 56,45 manatı ödəniş edilib. Ötən ilin eyni dövründə bu göstərici 52,8 manat olub.

"Delta Capital" və "Zuhur"un lisenziyalarının qüvvəsi bir aylıq dayandırılıb

"Report" bu barədə AMB-yə istinadən xəbər verir.

Məlumata görə, "Delta Capital"da aparılan cari nəzarət prosesləri çərçivəsində verilmiş icrası məcburi göstərişə əməl edilmədiyi, "Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası"nın 4.10-cu və 5.2-ci bəndlərinin tələblərinin pozulduğu, "Valyuta tənzimi haqqında" qanunun 16-1.1-ci maddəsinin və "Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası"nın 3.4-cü, 3.6-cı, 4.7-ci, 6.3-cü və 7.3-cü bəndlərinin tələblərinin təkrar pozulduğu müəyyən edilib. Aşkar olunmuş pozuntu hallarının aradan qaldırılması və fəaliyyətin müvafiq qanunvericilik aktlarının tələblərinə uyğunlaşdırılması məqsədi ilə "Valyuta tənzimi haqqında" qanunun 13-7.1.2-ci və 13-7.2-ci maddələrinə uyğun olaraq "Delta Capital"a verilmiş 08.12.2021 tarixli, VMF-02 nömrəli lisenziyanın qüvvəsi dayandırılıb.

Bundan başqa, "Zuhur"da aparılan cari nəzarət prosesləri çərçivəsində verilmiş icrası məcburi göstərişə əməl edilmədiyi, "Valyuta tənzimi haqqında" qanunun 16-1.1-ci maddəsinin və "Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası"nın 4.7-ci bəndinin tələblərinin təkrar pozulduğu müəyyən edilib. Aşkar olunmuş pozuntu hallarının aradan qaldırılması və fəaliyyətin müvafiq qanunvericilik aktlarının tələblərinə uyğunlaşdırılması məqsədi ilə "Valyuta tənzimi haqqında" qanunun 13-7.1.2-ci və 13-7.2-ci maddələrinə uyğun olaraq "Zuhur"a verilmiş 15.03.2022 tarixli, VMF-03 nömrəli lisenziyanın qüvvəsi dayandırılıb.

Xatırladaq ki, bundan əvvəl AMB valyuta mübadiləsi üçün "Meta-Kapital" MMC-yə verdiyi lisenziyanın qüvvəsini 1 ay müddətinə dayandırıb.

Azərbaycan IMF ilə yeni beynəlxalq statistik standartların tətbiqini müzakirə edib

"Report" Maliyyə Nazirliyinə istinadən xəbər verir ki, müzakirələr IMF-nin təşkilatçılığı ilə Qazaxıstanın Almatı şəhərində keçirilən "2025-ci il Milli Hesablar Sistemi (SNA) və Tədiyə Balansı üzrə Beynəlxalq Standartların 7-ci nəşri (BPM7)" üzrə yüksək səviyyəli dəyirmi masada Dövlət Xəzinədarlıq Agentliyinin nümayəndə heyətinin iştirakı ilə baş tutub.

Bildirilir ki, beynəlxalq ekspertlərin iştirakı ilə keçirilən tədbirin əsas məqsədi yeni beynəlxalq statistik standartların tətbiqinə hazırlıq, bu istiqamətdə ölkələrarası əməkdaşlığın gücləndirilməsi və qabaqcıl beynəlxalq təcrübələrin öyrənilməsi olub.

Görüşdə yeni statistik standartların tətbiqi üzrə beynəlxalq təcrübələr, maraqlı tərəflərin prosesə effektiv cəlb olunması, resursların və infrastrukturun planlaşdırılması, eləcə də məlumatların yayım strategiyasının hazırlanması istiqamətində geniş fikir mübadiləsi aparılıb. Müzakirələr ölkələr arasında təcrübə mübadiləsinin dərinləşdirilməsinə, milli statistika sistemlərinin gücləndirilməsinə və beynəlxalq hesabatlılıqda şəffaflığın artırılmasına mühüm töhfə verib.

Azərbaycan EIB-lə birgə fəaliyyətin gücləndirilməsini müzakirə edib

"Report" İqtisadiyyat Nazirliyinə istinadən xəbər verir ki, müzakirələr iqtisadiyyat nazirinin müavini Səməd Bəşirli ilə EIB-nin Cənubi Qafqaz üzrə Regional Nümayəndəliyinin fəaliyyət müddəti başa çatmaqda olan rəhbəri Matsey Çura ilə görüşdə baş tutub.

Görüşdə Azərbaycanın EIB-lə uzunmüddətli tərəfdaşlığının ölkənin iqtisadi inkişafı baxımından əhəmiyyət kəsb etdiyi vurğulanıb.

Bildirilib ki, bankla infrastruktur, özəl sektora dəstək, rəqəmsal inkişaf və başqa istiqamətlər üzrə səmərəli tərəfdaşlıq həyata keçirilir.